'film', 'editor' => false, 'imagen_destacada' => true, 'resumen' => false, 'label' => 'Película', 'taxonomia_propia' => array('nombre'=>"tipo_pelicula", "descripcion"=>"Tipo de película"), 'metabox' => array( array('nombre'=>"ficha", "tipo"=>"texto_complejo", "descripcion"=>"Ficha Técnica"), array('nombre'=>"sinopsis", "tipo"=>"texto_complejo", "descripcion"=>"Sinopsis"), ) ); crear_custom($argumentos); eliminar_proyectos_divi(); function elemento_listado_custom($nombre){ ?>

'810', ), $atts)); $thumbID = get_post_thumbnail_id( $id ); $imgDestacada = wp_get_attachment_url( $thumbID ); ob_start(); ?>

()

"names")); return implode(", ", $term_list); } ?> FAQs (aragonés) - Zinentiendo 2019

FAQs

Qué ye Zinentiendo?

Zinentiendo ye la Muestra Internacional de Cine LGTBQI que organiza en Aragón lo Colectivo Towanda.

Zinentiendo ye…

Una Muestra de cine de ambito nacional. Programamos y prochectamos largometraches, curtometraches y documentals de tematica LGTBQI (Lesbica, gay, trans, bisexual, queer y intersex).

No somos festival, por lo que los treballos prochectados no entran en concurso. No damos premios, ni contamos con churau. Manimenos, como Muestra tenemos libertat pa trigar las procheccions que entendemos que s’achustan a los obchectivos que buscamos.

Zinentiendo ye una Muestra de cine d’acceso libre. De feito, en iste momento ye un d’os pocos certamens de cine LGTB de l’Estau espanyol que mantien ista característica. Entendemos que la especial idiosincrasia d’a Muestra y la suya finalidat chustifica que se mantienga l’acceso libre y de baldes, a pesar d’as dificultatz que ixo traye.

Qui ye Zinentiendo?

Zinentiendo s’organizó por primer vegada en l’anyo 2002, de manera precaria y autochestionada, por Towanda, Asociación Por la Diversidad Afectivo Sexual.

Creyada en l’anyo 2000, y con 150 soci@s si fa u no fa, Towanda ye una d’as principals entidatz aragonesas pa la representación y desfensa d’o colectivo LGBT (de lesbiana, gays, trans y bisexuals).

Entre atros obchectivos, Towanda preba de…

  • Transformar l’actual orden enta modelos a on que se respecte, desfienda y valure positivament la diversidat d’os amors, los deseyos y las identidatz
  • Creyar espacios utils a lesbianas, gays, trans y bisexuals.
  • Fer accions a favor de que se consigan totz los dreitos de trans, bisexuals, lesbianas y gays.
  • Ubrir espacios a la expresión cultural que amuestren la diversidat d’as orientacions, identidatz y comportamientos sexuals.
  • Afavorir la buena salut d’o colectivo lésbico, bisexual, gay y trans.
  • Promover iniciativas en lo campo educativo que afavoreixcan lo respecto ent’a diversidat d’as orientacions, las identidatz y comportamientos sexuals.
  • Ufrir un servicio d’información, orientación y divulgación enfilau ent’a comunidat bisexual, gay, trans y lésbica y a todas las personas que puedan intresar-se-ie.
  • Fomentar en las y los chovens lo conoiximiento y lo respecto ent’a diversidat afectivo-sexual.
  • Animar a las y los chovens trans, bisexuals, lesbianas y gays a que se valuren positivament y s’asocien pa reivindicar los suyos dreitos.
  • Colaborar con totz los organismos y institucions nacionals, internacionals y supranacionals que calga pa conseguir una mayor eficacia en la suya fayena.
  • Impulsar la viabilidat y la consolidación d’a igualdat legal y real d’as mullers lesbianas, bisexials y trans, colectivo doblement discriminau por lo suyo chenero, condición y orientación sexual.

Por qué Zinentiendo?

Dende Towanda treballamos pa conseguir que la cultura incluiga todas las sensibilidatz afectivo-sexuals y femos buena ficancia pa que las personas lgtbi (lesbianas, gays, trans, bisexuals, queer y intersex) de tot chenero, identidat u preferencia sexual se sientan representadas igualment.

Por ixo, entre atras muitas actividatz que dende lo voluntariau y l’activismo organiza lo Colectivo Towanda, naixe en l’anyo 2005 Zinentiendo, una muestra de cine internacional de temática gay, lesbica, bisexual, trans, intersex, queer…

Dende lo suyo escomience, son obchectivos d’a muestra…

  • Prochectar en Aragón treballos audiovisuals de tematica LGTBI (Largometraches, curtometraches y documentals).
  • Potenciar la visibilidat y treballo de conchunta de asociacions culturals y LGTBI a tot arreu d’o territorio aragonés.
  • Fer visteras las diferents realidatz socials, políticas y culturals que conforman la comunidat LGTBI.
  • Creyar un espacio de socialización y debat.
  • Fomentar la creación audiovisual de tematica LGTBI en Aragón.
Share This