Titol orichinal: Jesús.
Largometrache
Anyo: 2016
Durada: 86 minutos
País: Chile
Dirección: Fernando Guzzoni.
Categoría: Gai/bi.
VOC
Sinopsi:
Jesús, un choven chileno, vive con su pai Héctor, en un apartamento de Santiago an que a televisión compensa a suya incapacidat ta comunicar-se. A resta d’o tiempo baila en una colla de K-.Pop, sale con os amigos suyos, consume drogas y practica sexo en puestos públicos. Una nueit se veye enreligau en un incident irreversible. Iste afer unirá mas que no nunca a Jesús y a Héctor, pero también los separará ta cutio.
Fernando Guzzoni, director de Carne de Perro, nos traye en o suyo segundo treballo una envista d’una d’as agresions homofobas mas brutals que han secutiu Chile en os zaguers anyos. Curiosament, y de traza paralela, ixe suceso s’ha tractau en la también chilena Nunca vas a estar solo, de Alex Andwandter. Encara que totz dos treballos comparten l’enfoque d’as relacions entre un pai y o suyo fillo, a envista ye diferent de tot.
Qualsiquier d’os dos treballos ye fascinant. Garra no te deixa indiferent. Manimenos, a envista d’a construcción d’as masculinidatz y identidatz diferents a la normativa ufierta por Guzzoni, a suya radicalidat, l’impacto d’as imachens, a ixarrota d’o suyo planteyamiento y a reflexión sobre as relacions entre os hombres, – pai y fillos, colegas, HSH, – nos ha levau a trigar ista versión.
Palmarés:
64º Festival de San Sebastián 2016 – Sección Oficial
Toronto International Film Festival 2016 – Official Selection
Recent Comments