En unas sociedatz globalizadas y centradas en la producción economica, los mercaus y la independencia, los ixarrotadors ideyals edadistas chupen las nuestras identidatz y nos afogan a totz y todas, pero de manera mas dreita y evident a determinaus colectivos, como lo d’as personas mayors LGTBQI.

Lo documental 26 de diciembre nos traye a una colla de personas mayors LGTBQI que ofreixen nuevos modelos de resistencia debant d’as imposicions d’o sistema heteropatriarcal, construyindo espacios de seguridat a on que vivir de forma plena, dende l’afectividat y lo respeto.

Y ye que la revolución d’as personas mayors ye aquí. Lo somos viyendo en lo movimiento pa la desfensa d’as pensions dignas, en lo 15M, en la luita feminista d’o 8M. Ye un movimiento transversal a on que las personas LGTBQI mayors tienen muito a decir y muito a amostrar.

26 de diciembre: Eixemplos que nos fan goyo. Modelos que nos inspiran.

En iste especial, i participará Federico Armenteros, president d’a Fundación de personas mayors LGTB 26 de diciembre, que nos amostrará y con lo que aprenderemos d’as vivencias diversas y d’as vidas plenas de diversidat que fan grans las experiencias d’as personas mayors.