Plano invertiu  ye ixe plano cinematografico que pasamos d’un enquadre t’o siguient en una mesma scena, de manera que se nos recuenta un solo feito dende dos envistas diferents.

En l’especial dialogos en Plano Invertiu ixo pretendemos. Compartir experiencias de movimientos LGTBQI en diferents paises y, con una uellada critica enta las imposicions de gubiernos de bells paises que fan servir las vidas d’as personas LGTBQI pa amagar las suyas dolents intencions, debatir sobre como ye la libertat que chenera espacios de convivencia y relacions enriquideras en tot lo mundo.

Y ixo ye asinas porque los movimientos LGTBQI arredol d’o mundo son diversos. Como las propias vidas, como los puestos por an que dondiamos

Los movimientos LGTBQI creban muros, barreras y imachinarios. En un mundo capitalista, la luita transfeminista esdeviene en lo puesto de fuyida, pero tamién de plegada, de rebelión. La uellada invertida, que nos mete en la mesma mesa, en lo mesmo puesto, ha d’emplir-nos d’alegría por lo que compartimos con lxs chirmans d’aquí y d’allí, por una luita común, diferent y diversa.

Porque a la fin, y como deciba Judith Butler, la luita, la nuestra luita, ha d’estar por una vida vivible.

¿Invertimos las dialogos?